फैसलापछि आक्रोशित निहिता। फोटो सौजन्यः गोपाल चित्रकार/रोयटर्स

सर्वोच्च अदालतले पाँच वर्षदेखि अदालतमा चलिरहेको मुद्दामा अन्तिम फैसला सुनाउँदै कुख्यात अन्तर्राष्ट्रिय अपराधी चार्ल्स शोभराजलाई दोषी ठहर गरेको छ। सर्वोच्चको फैसलापछि उनी अब अझै १४ वर्ष नेपाली जेलमा कोचिने भएका छन्। अपराध गरेर उन्मुक्ति पाउँछु भनी सोच्नेहरुलाई यो एउटा गतिलो झापड हो। ३ दशकअघि उनको हातबाट मारिएकी अमेरिकी नागरिक कोन्निजो ब्रोनचिजको आत्मालाई बल्ल आफ्ना दोषीले सजाय पाएको देखेर शान्ति महसूस भयो होला।

पाँच वर्षदेखि सर्वोच्चमा झुण्डिरहेको यो मुद्दामा आज पनि फैसला होला कि नहोला निश्चित थिएन। नेपालको अदालतमा चल्ने घुसखोरीका समाचारहरुका कारण ‘नेपालको एअरपोर्टबाट हात्ती नै छिराइदिन्छु’ भनी शान देखाउने शोभराज रिहा त हुने हैनन् भन्ने आशंका धेरैले गरेका थिए। असार ३० गते नै गर्ने भनिएको यो मुद्दाको फैसला आज सारिएपछि त्यस्तो आशंका गर्नेहरु झन् बढेका थिए। तर अन्ततः न्यायधीशद्वय रामकुमारप्रसाद शाह र गौरी ढकालको संयुक्त इजलासले उनलाई हत्याको दोषी भन्दै सर्वस्वसहित जन्मकैद गर्ने पुनरावेदन अदालतकै फैसलालाई सदर गर्ने अन्तिम निर्णय आज गरेको हो। Continue reading शोभराज अझै १४ वर्ष जेल मै कोचिने

अस्ति राति भारतीय सीमा सुरक्षा बल (एसएसबी)का सुरक्षाकर्मीले महोत्तरी जिल्लाको सम्सीमा प्रवेश गरी नेपाल प्रहरीका तीनजना जवानलाई कुटपिट गरे। त्यसको विरोधमा स्थानीयवासीले स्वस्फूर्तरुपमा हिजो सम्सी बजार बन्द गरे।

सीमा क्षेत्रमा भारतीय सुरक्षाकर्मीको बलमिच्याइँ अनि अतिक्रमणको शृङ्खला लामो छ। नेताहरु लाचार छन्। यसैलाई कथावस्तु बनाएर एउटा फिल्म बनेको छ- दशगजा। राजेश हमालको प्रमुख भूमिका रहेको यो फिल्म अझै सार्वजनिक प्रदर्शनमा आइसकेको छैन। हिजो गोपीकृष्ण हलमा यसको प्रिमियर गरिएको थियो। शेर्पावर्ल्ड डट कमका छिरिङ् तेन्जिङ् शेर्पा (गोपर्मा)ले यो फिल्मका केही दृश्य युट्युबमा अपलोड गरेका छन्। आउनुस्, हेरौँ ‘दशगजा’का केही दृश्य। Continue reading सीमा अतिक्रमणविरुद्ध फिल्म

न्युज २४ टिभीमा हिजो राति एउटा एक्सक्लुसिभ अन्तर्वार्ता बजेको थियो। अन्तर्वार्ता थियो कालीबहादुर खामको। उनै खाम जसलाई प्रहरीले मोस्ट वान्टेड सूचिमा राखेर खोजी गरिरहेको भनिएको छ। अन्तर्वार्ता हेर्दा लाग्यो- हामी यो कस्तो देशमा बसिरहेका छौँ, जहाँ प्रहरी, नेता सबका सब जनतालाई झुठ बोलेर नाटक गरिरहेका हुँदा रहेछन्। कस्तो सरकार रहेछ हाम्रो देशमा?

खामले सीधै प्रहरीलाई चुनौति दिए- म कहाँ छु, के गरिरहेको छु, प्रहरीलाई राम्रैसँग थाहा छ। तर मलाई पक्रनको लागि प्रहरीले ठूलो शक्ति लगाएर नाटक गरिरहेको छ। हुन पनि न्युज २४ टिभीले खामलाई प्रहरी चौकी नजिकैको घरमा निर्धक्कका साथ काम गरिरहेको अवस्थामा अन्तर्वार्ता लिएको रे। भूमिगत शैलि केही पनि देखेन रे न्युज २४ को टिमले। त्यसो हो भने अहिले नै पक्रिहाल्छौँ, भरे नै पक्रिहाल्छौँ भनेर प्रहरीले जनतालाई के नाटक देखाएको यो? Continue reading खामले दिए प्रहरी प्रशासनलाई चुनौति

प्रतिबन्ध लगाउँदा लगाउँदै ३० हजार नेपाली इराक पुगेछन्, सरकारलाई पत्तै भएन। प्रतिबन्धित देशका नागरिकलाई हटाउने भन्ने खबर मिडिया आएपछि हजारौँ नेपालीको रोजगारीप्रति सरकारले चासो देखायो र प्रतिबन्ध हटायो। अब नेपालीको पासपोर्टमा इराक बाहेक भनी छाप हान्ने प्रणाली हट्नेछ। अब अवैधानिक रुपमा हैन, वैधानिक रुपमा नै इराक जान पाइने भएको छ। भन्नलाई त सरकारले नयाँ कामदारलाई खुला नगरेको भनेको छ। तर अवैध हुँदा त ३० हजार पुग्नलाई रोक्न नसक्ने सरकारले वैधानिक हुँदा कसरी रोक्न सक्ने हो! इराकबाट अमेरिकी सेनाको संख्या घटाउँदै लैजाँदा दलाललाई लाखौँ खुवाई धेरै कमाउने लोभमा इराक जानेहरुको स्थिति के होला? अमेरिकी बेसबाहेक अरु जोखिमयुक्त स्थानमा काम गर्ने नेपालीको भविष्य कस्तो होला?

इराकमा जान लगाइएको प्रतिबन्ध हटाउने सरकारी निर्णय कस्तो लाग्यो? अब सरकारले के गर्नुपर्ला ? आफ्नो विचार राख्‍नुहोला। Continue reading इराकको प्रतिबन्ध हट्यो, तर समस्या सकियो त?

१५ दिनभित्र ३० हजार नेपाली एकै साथ बेरोजगार हुँदैछन्। ती त्यस्ता नेपाली हुन्, जसले सरकारी प्रतिबन्धको बेवास्ता गर्दै आफ्नो ज्यान जोखिममा मोल्दै युद्धग्रस्त देश इराकलाई आफ्नो गन्तव्य रोजे। अमेरिकी सेनाको इराक सेन्ट्रल कमान्डले २० जुलाईमा एउटा चिठी पठाउँदै नेपाली र फिलिपिनो कामदारहरुलाई घर फर्काउन सबै कम्पनीलाई आदेश दिएपछि यस्तो अभाव भएको हो। पासपोर्टमा नै ‘इराकमा जान नहुने’ लेखिएको हुन्छ नेपाल र फिलिपिन्सको पासपोर्टमा। त्यसो हुँदाहुँदै पनि चोरबाटोबाट इराकमा पुगेर काम गरिरहेकाहरुप्रति अमेरिकी सेन्ट्रल कमान्डले चासो देखाएको हो। इराकमा रहेका नेपालीहरु भने अहिले नै देश फर्कन चाहँदैनन्। सरकारप्रति उनीहरुको झिनो आशा छ- प्रतिबन्ध हटाइदेला कि भने। त्यसो नगरे नेपाल फर्कनु पर्ने अनि यहाँ आएर के गर्ने भन्नेमा अन्यौल छ। उनीहरु यति मात्र भन्न चाहन्छन् सरकारलाई- गरी खान देऊ!

इराकमा रहेका दुई नेपाली ध्रुव दाहाल र तुलसी श्रेष्ठ यसो भन्छन्-
Continue reading इराकका नेपाली भन्छन्- गरी खान देऊ!

-सीबी अधिकारी-

तपाईँ युवती हुनुहुन्छ? अनि चिटिक्क परेर घर बाहिर कुनै पनि काममा निक्लँदै हुनुहुन्छ? सावधान, रहनुहोस् किनकि तपाईँ जनुसुकैबेला अपहरणमा पर्न सक्नुहुन्छ।

राजधानीमा यस्तो गिरोह पत्ता लागेको छ कि जुन गिरोहको नजरमा तपाइँ पर्नुभयो भने तपाईँको जीवन बर्बादीमा मात्र हैन सिङ्गो समाज नै अप्ठ्यारोमा पर्नसक्छ।

ललितपुर प्रहरीले पहिलो पटक पक्राउ गरी आज सार्वजनिक गरेको एउटा घटना विवरण सुन्दा सामान्य लाग्न सक्छ, तर त्यसको गहिराइमा पुगेर अध्ययन अनुसन्धान गर्ने हो भने त्यसले सिङ्गो राज्यलाई नै चुनौती दिइरहेको छ। ललितपुर प्रहरीले पहिलो पटक सार्वजनिक गरेको उक्त खतरनाक गिरोहमा संलग्न एक युवक र तीन युवती को कुकृत्यलाई मात्र बुझे पुग्छ।
Continue reading काठमाडौँमा यस्तो डरलाग्दो पनि गिरोह!